ᐸᐃᑲᓐ ᓯᖃᓕᓯᒪᔪᑦ

ᓚᕋᕝᕕᖓ > ᐅᔭᕋᕈᕐᓂᑯᑦ ᐊᒻᒪ ᑐᑭᓯᕙᓪᓕᐊᔭᐅᓂᕆᔭᖓ > ᐊᑯᓐᓂᖅᓱᖅᑐᖅ ᑲᑎᓐᖓᖃᑎᒌᓄᑦ > ᐊᑦᑎᖅᑕᐅᓂᖓ

ᐊᑦᑎᖅᑕᐅᓂᖓ

ᓇᓂᔭᐅᔪᑦ ᓄᑖᖑᔪᑦ ᐅᔭᕋᕈᕐᓂᑯᑦ ᓂᕐᔪᑎᕕᓃᑦ ᖃᐅᔨᓴᖅᑎᓄᑦ ᐊᑦᑎᖅᑕᐅᔭᕆᐊᖃᕐᒪᑕ. ᖃᐅᔨᓴᖅᑎᑦ ᓂᕈᐊᑦᑎᐊᕋᓱᑉᐸᑦᑐᑦ ᐊᑎᔅᓴᖓᓂᒃ. ᐃᓛᓐᓂᒃᑯᑦ, ᐊᑎᕆᔭᖏᑦ ᓂᕈᐊᖅᑕᐅᕙᑉᐳᑦ ᐃᓕᖅᑯᓯᕕᓂᖏᑕ ᑕᐃᒍᕋᓱᒃᖢᒋᑦ, ᐅᕝᕙᓘᓐᓃᑦ ᓇᓂᐅᔭᕝᕕᖓᑕ ᐊᑎᕆᔭᖓ ᐃᓚᒋᔭᐅᓪᓗᒍ.

 

 

 

ᖃᐅᔨᓴᖅᑎᓄᑦ ᐊᑦᑎᖅᑕᐅᔪᓰᑦ ᕈᒪᓂᒃᑯᑦ ᐅᖃᐅᓯᖓᓂᒃ ᐊᑐᖅᐸᑉᐳᑦ, ᒪᕐᕈᐃᓕᖓᕙᒃᖢᑎᒃ. ᓯᕗᓪᓕᖅ ᐊᑎᖓ ᖃᓄᐃᑦᑑᓂᖓᓂᒃ ᓇᓗᓇᐃᖅᓯᔪᖅ. ᐅᐃᑉᐸᖓ ᐊᑎᖓ ᓂᕐᔪᑎᐅᑉ ᓇᓗᓇᐃᕈᑎᖓ. ᑲᑎᖦᖢᒋᒃ ᓇᓗᓇᐃᖅᓯᕙᑉᐴᒃ ᐆᒪᔪᒥᒃ. ᑖᓐᓇ ᑲᑎᖅᓱᒐᖓ ᐊᑎᖏᒍᑦ ᐊᔾᔨᐅᓂᖃᓐᖏᑦᑐᖅ ᓄᓇᕐᔪᐊᓕᒫᒥᓪᓗ ᐃᓕᓴᕆᐅᒪᔭᐅᕙᒃᖢᓂ, ᓲᕐᓗ ᐊᔾᔨᖃᖏᓐᓂᖃᕐᒪᑦ ᑭᒃᑯᓕᒫᓄᑦ ᑕᐃᒎᓯᖃᐅᑎᖏᓐᓄᑦ ᓲᕐᓗ "ᑐᒃᑐ" ᐅᕝᕙᓗ "ᑐᖑᔪᖅᑕᖅ ᑎᖕᒥᐊᖅ", ᑕᒪᒃᑯᐊ ᐊᔾᔨᒌᖏᑦᑐᓄᑦ ᐊᑐᖅᖢᑎᒃ ᑎᖕᒥᐊᓄᑦ ᑐᒃᑑᔭᓄᓪᓗ ᑐᓐᖓᕕᖃᖔᖅᖢᑎᒃ ᐊᒡᒍᖅᓯᒪᓂᖓᓄᑦ, ᓄᓇᓕᖅᔪᐊᖏᓐᓄᓪᓘᓐᓃᑦ.

ᑖᓐᓇ ᓇᓂᔭᐅᔪᖅ "ᓄᓇᒦᓲᖅ ᓇᑦᑎᖅ" ᐅᔭᕋᕈᕐᓂᑯ ᑭᒡᒐᖅᑐᐃᕗᖅ ᓂᕐᔪᑏᑦ ᐊᓯᔾᔨᖅᐸᓪᓕᐊᓂᖏᓄᑦ ᓴᖅᑮᓪᓗᓂ ᐊᓱᐃᓛᒃ ᓇᓗᓇᐃᖅᖢᒍ ᓄᑖᖑᓂᖓᓂᒃ ᓂᕐᔪᑎ ᐊᒻᒪᓗ ᐃᓚᖃᐅᓯᖓ, ᐊᑦᑎᖅᑕᐅᔭᕆᐊᖃᓕᖅᖢᓂ. ᓂᕐᔪᑎᕕᓂᖅᓯᐊᕆᔭᖅ ᐊᑦᑎᖅᑕᐅᓪᓗᓂ Puijila darwini.

ᓂᕐᔪᑎᐅᑉ ᐊᑎᖓ Puijila ᑐᓐᖓᕕᖃᖅᑐᖅ ᐃᓄᒃᑎᑐᑦ ᐅᖃᐅᓯᕐᒧᑦ ᓇᓗᓇᐃᖅᓯᔪᒥᒃ "ᐱᐊᕋᕕᓂᖅ ᐳᐃᔨ" ᐅᖃᐅᓯᐅᒐᔪᑦᑐᖅ ᓇᑦᑎᕐᓄᑦ ᐅᕝᕙᓗ ᐃᓚᖏᓄᑦ. ᐃᓄᒃᑎᑐᑦ ᐅᖃᐅᓯᓪᓗᐊᑕᐅᕗᖅ ᓄᓇᕘᒥᑦ, ᑲᓇᑕ, ᓇᓂᔭᐅᕝᕕᖓᓂᑦ ᐅᔭᕋᕈᕐᓂᑰᑉ ᓄᓇᖏᓂᑦ. ᓂᕐᔪᑎᐅᑉ ᐊᑎᖓ ᐃᓕᓴᖅᓯᐅᒪᕗᖅ ᐃᓄᖏᓐᓂᒃ ᓄᓇᕘᑉ, ᐊᓐᓂᕆᔭᐅᒻᒪᑦ ᐃᑲᔪᖅᓱᐃᓂᕆᕙᑦᑕᖏᑦ ᑕᒪᓐᓇᓗ ᑲᔪᓯᑦᑎᐊᕈᓐᓇᕐᓂᖏᓐᓄᑦ ᐊᑑᑎᖃᓪᓚᕆᒃᖢᓂ ᑲᓇᑕᐅᑉ ᖁᑦᑎᑦᑐᖓᑕ ᐅᑭᐅᖅᑕᖅᑐᖓᓂᑦ. ᐊᑎᖓ ᓂᕈᐊᖅᑕᐅᓚᐅᖅᑐᖅ ᑐᓴᕋᓱᕝᕕᐅᓚᐅᖅᖢᑎᒃ ᑲᑎᒪᔩᑦ ᐃᓄᐃᑦ ᖃᐅᔨᒪᔭᑐᖃᖏᓄᑦ, ᑲᑎᒪᔨᐅᔪᑦ ᖃᐅᔨᒪᓂᖃᐅᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐅᖃᐅᔾᔨᖅᓱᐃᕙᑦᑐᑦ ᓄᓇᕘᑉ ᒐᕙᒪᖏᓐᓂᒃ ᐃᓄᐃᑦ ᖃᐅᔨᒪᔭᖏᑦ ᐊᑐᖅᖢᒋᑦ ᑲᒪᒋᔭᐅᔪᒧᑦ.
(Puijila ᐃᒪᓐᓇ ᑕᐃᒍᖅᑕᐅᔪᖅ "ᐳ-ᐃ-ᔨ-ᓚ").

ᑖᒃᑯᐊ ᓄᑖᖑᓛᒥᒃ ᑕᑯᓐᓇᕈᑎᔅᓴᒥᒃ ᐃᓗᓕᖃᕆᐊᖃᖅᑐᑦ ᖃᕆᓴᐅᔭᑎᑦ ᑕᑯᔪᒪᒍᕕᒋᑦ ᐊᔾᔨᓐᖑᐊᑦ. ᑖᓐᓇ ᐱᔪᓐᓇᖅᑕᐃᑦ ᐅᑯᓇᓐᖓᑦ ᐊᑕᐅᐱ ᖃᕆᓴᐅᔭᓕᕆᕝᕕᖓᒍᑦ. ᑖᓐᓇ ᐊᑕᐅᐱ ᖃᓪᓗᓈᑎᑑᖓᑐᐃᓐᓇᖅᑐᖅ.

ᑖᓐᓇ ᐊᑎᕆᔭᖓᑕ ᐅᐃᒍᖓ, darwini, ᐃᓕᓴᖅᓯᕗᖅ ᓴᓕ ᑕᐅᕕᓐᒥᒃ. ᐊᑎᖓ ᓂᕈᐊᖅᑕᐅᓚᐅᕐᒪᑦ ᐅᑉᐱᕆᔭᐅᓂᖓᓄᑦ ᑕᐅᑐᓐᖑᐊᕈᓐᓇᕐᓂᕆᓚᐅᖅᑕᖓᓄᓪᓗ ᓴᓕ ᑕᐅᕕᓐ, ᓯᕗᓕᐅᕆᓚᐅᖅᓯᒪᕗᖅ ᐊᑯᓐᓂᖅᓱᖅᑐᖅ ᓂᕐᔪᑎ ᐃᓗᐊᒍᑦ On the Origin of Species:

"ᓄᓇᒥᐅᑕᓪᓚᕆᒃ ᓂᕐᔪᑎ, ᓂᕿᓯᐅᖅᐸᖦᖢᓂ ᐃᒃᑲᑦᑐᒥᒃ ᐃᒪᕐᒥᑦ, ᐊᓱᐃᓛᒃ ᑰᓐᓂᑦ ᐅᕝᕙᓗ ᑕᓯᕐᓂᒃ, ᐊᓱᐃᓛᒃ ᐱᕙᓪᓕᐊᒐᒥᒃ ᓅᑉᐸᓪᓕᐊᓗᓂ ᓂᕐᔪᑎᒧᑦ ᐃᒪᕐᒥᐅᑕᓪᓚᕆᐅᓕᕋᒥᒃ ᐆᒃᑐᓕᕐᓂᑯ ᓂᕿᖃᕐᓂᖓᓐᓂᒃ ᑕᕆᐅᑉ ᐃᒪᖏᑕ ᓇᔪᕋᓱᒋᐊᓕᖅᖢᒍ".

ᓂᕐᔪᑎᐅᑉ ᓇᓗᓇᐃᖅᑕᐅᓂᖓ Puijila darwini ᑎᑎᕋᕈᑕᐅᓪᓗᓂ 2009-ᖑᑎᓪᓗᒍ, ᑖᓐᓇᑦᑕᐅᖅ 200 ᐊᕐᕌᒍᐃᑦ ᐊᓂᒍᕈᑎᒋᓪᓗᓂᐅᒃ ᑕᐅᕕᓐ ᐃᓅᕝᕕᕕᓂᖓᑕ ᐊᒻᒪᑕᐅᖅ 150 ᐊᕐᕌᒍᐃᑦ ᐊᓂᒍᕈᑎᖓ ᑎᑎᕋᕐᓂᑯᖓᓄ On the Origin of the Species. (Darwini ᐃᒪᓐᓇ ᑕᐃᒍᖅᑕᐅᔪᖅ "ᑕᐅ-ᕕᓐ-ᓇᐃ").